سلام يا شيخٍ نصيتك مستجير =	 انته وَلَدْ هزَّاع خلّافها


يا ربعنا الواجب على الشيخ الكبير =	 يوم القبايل بيّنت ميقافها


قولوا لاخو عزه وسايرها يسير 	= كل القبايل شيوخها عُرّافها


والطير دون جْنَاح ما يَقْدر يطير	= جِنْحَان مكتوفه وحِل اكتافها


من دون رَبْعَك في لوازمها مدير	 =شيخ القبيلة عِزَها ولحَافهَا


والله عطاك العز والحاسد قصير	 =من عزه المولى طلع مشرافها


معروف فاهِمْ للقليل وللكثير	= يا عَمْ لا يَخْفَاك معنى قافها


طالبك دوّر حلها عند الأمير 	=واجب شيوخ القوم تحمى اضعافها


عندي ثَمَانْ أشخاص والتاسِع صغِير		=	 أمانة الغايب بوجه أشرافها


عساك فالجنه يناديك البشير=	 تمسي وتصبح وسطها وأطرافها


مفروشك الديباج من فوق الحرير 	=رحمهٍ من الرحمن مثلك شافها


حتى بنات الحور عندك بالسرير	= تاكل وتشرب من جميع اصنافها


والختم صلُّو على النور المنير	= نبينا كامل جميع أوصَافَهَا

تمثلت بأمثالٍ لها فرع وفروعْ =	 وفرع المعاني مثل كل الفروعي                   


حياتي بداري بس خايف وممنوعْ 	= من أكل الثِمَر وخيار نَبْت الزرُوعي      


ننادي وصُوت الخُوف ماهو بمسموعْ        = 		ولا ينْفَعْنَا البكا والدموعي          


 قِلِيل الحَصيل اليوم يمشي ومفجوعْ 		=	 ويقضِي حياته فالخجل والخضُوعي     


 ولا له مع اللِّي يملك المال قَرْطُوعْ        	=	ولا ياكل المرغوب من كل نوعي


وهذا زمانٍ عاش بهْ كل قَرْبُوعْ 		=	 طلع يوم غيره عذَّر فالطلوعي               


 حياة المذلّه كلها ذل وركوعْ  		=	يموت الكريم ولا رضى بالركوعي


وطالب كريم الوجه والراس مرفوعْ 		=	 يكمّل حيَاتَهْ بالكرم والرفوعي


ولا عاد فالصُحْبة للاجواد منفوعْ  		=	بعد ما تركنا سيفها والدروعي         


ولا بد يوم الظلم زَايل ومَقْلُوعْ                =          كماما تِنْطِفي النار بعد الولوعي


ولو طالت الشِدَّه ترى الحبل مَقْطُوعْ       =             ولا طار طير الا رجع فالوقوعي


ترى الكَتْف لو أنه ورى العَضْد بالكُوعْ        =    عظامٍ بعضها مع بعض فالوجوعي


يطيح المنافق لو معه راس فاروعْ          =        ولو كان حطَّو في طريقه شموعي


ورأس المنافق لو كِبِرْ راس جربوعْ             =          مصيره كما كان نذل وخدوعي


مصير الردي بين الأحرار مخلوعْ              =             يجَازَى بما قدّم ولا له شفوعي


يخادع جميع الناس بافْعَال مَخْدُوعْ           =           ولازم يذوق من المراره جروعي


ويطوي ثياب الغدر في ثوب مرقوعْ           =           وتظهر عيُوبه من مكان الرقوعي


ويلقى حسابه في بيانَات مَجْمُوعْ           =               يحاسب على اعماله خبيث الطبوعي