• ×

آلاد حارث عزوتي ما تاه من عنهم نشد

زيادة حجم الخط مسح إنقاص حجم الخط
(آلاد حارث عزوتي ما تاه من عنهم نشد)
قصيدة
الشاب الشريف مساعد بن ناصر بن فتن الحارثي
الخميس : 18/4/1429هـ
الخرمة/ حفل الأشراف الحرث



اببتدي بسم الله الواحد ولا غيره أحــــد = رب السماء والأرض والدنيا وماتحويبها
أنشا السموات السبع من دون طنب ولا عمد = وانزل مطرها رحمة للناس تستسقي بها
والأرض مهدها لنا وجبالها مثل الوتـــد = وقال اعبدوني ياعبادي وانعموا من طيبها
ويالله أنا طالبك ياربي يافردٍ صـــــمد = ياعـــالمٍ كل الأمور الظاهرات وغيبها
تحمي بلدنا يوم بعض الناس ما يلقى بــلد = وتــعز رايتنا على التوحيد و نماريبها
يوم الديار اللي حوالينا تحت ناب الأســد = يــــالله نجينا من سباع الليال وذيبها
في مملكتنا تحت راية من يحلون العقــد = اهـل الشجاعة والكرم والطيب كله طيبها
من بعدها سلام ياشيخٍ على العليا صعــد = والا دروب أهل الردى والخزي ما تمشيبها
وجه الوفا وجه الصفا وجه القبل وجه السعد= الشــيخ ابن ناصر زبون الأوله تحريبها
انته وربعك مكرمين الجار واللي في الصدد = زبن الدخيل ومدهل الضيفان مستوصيبها
أهل الوفا والطيب والمعروف عدوان الحسد=واهل المكارم يوم بعض الناس تمسك جيبها
وليا حضرتوا للمعارك مثل لجات الرعــد = مثل السحاب اللي تخايل والرعد يدويبها
صغيركم لصار توه في شراشيف المهـد = ياطى على أم جنيب فعلى راسها وجنيبها
آلاد حارث عزوتي وقت الشدايد والجلد = يوم الليال السود تصعب في نظر ماشيبها
آلاد حارث عزوتي ما تاه من عنهم نشد = يـامحزمي في حزة الضيقة وما يطريبها
ونفس الصفات اللي عليكم قلتها حنا بعد = نمشي على نفس العوايد والسلوم نجيبها
الوسم واحد والقبيلة وحدة والجد جـد = والـــدم واحد والطبايع وحده نمشيبها
والادمي لاجاه في عينه على الحفة رمد = تنــصاب عينه كلها من ثم يظهر عيبها
وآخر كلامي يوم جيناكم نبا منكم وعـد = ردوا زيـــارتنا علينا في نهار نجيبها
وختامها صلاة ربي عد حبات البــرد = على مــــحمد سيد الدنيا وما تحويبها
1- وفق الشاعر في إبراز معاني هامة لدى الأشراف الحرث :- حيث ذكر ( الوسم ) وهو وسم إبل الأشراف الحرث لدى الفرعين ( ثلاث حلق وشاهد\" مطرق OOO/ )رغم البعد الجغرافي بين الفرعين .ويعده المؤرخون والنسابة من دلائل وحدة النسب وروابط القربى .
2- وذكر ( العزوة : وهي \" آلاد حارث \" ) موحدة بين الفرعين.

بواسطة : hashim
 0  0  5923
التعليقات ( 0 )

-->