• ×

قصيدة الشريف سمير الشنبري في الاشراف الثعالبة ورد الشريف مرشد الثعلبي

زيادة حجم الخط مسح إنقاص حجم الخط
الشاعر الشريف سمير الشنبري :


يا هاجسي رد البيوت الجزيلات = واعني بها قوم الوفا والجميلة
ثعالبة تبدي في وقت المهمات = اشراف ف الميقاف ماهي كليلة
من حد جدة حد لا الشيخ مرخات =واللي جنوب الدار نعم القبيلة
رزُّو لهم في طايل المجد رايات = والكل منهم في يمينه صميلة
بافعالهم عزوا نسبهم وبالذات = والقافلة تمشي في تبع الدليلة
مبروك شيخ الشمل راعي المروات = وان طاح نجمٍ حل نجمٍ بديلة
وفي قصة العسمي دلايل واثبات = بين البحور المغرقات المهيلة
سبعة ليالي جوف ظلمة وغبات = في دبرة المولى وربي وكيلة
ف البحر دورية وف البر فزعات = ودموع ربعه مثل وبل المخيلة
كلٍ عليه ايجر بالصوت ونَّات = وله شايب ٍ متعبه نوح الحليلة
في موقفٍ لا شك مابه تشمات = بان الخليل اللي مهاوي خليله
ويا عقلة الله بعد طول الغيابات = حسن من الاخطار مطلق سبيله
ابعونه الله ثم عون الخواجات = والطيب مقسم للرجال النبيلة
ويا هاجسي ما دام للشعر وقفات = عرِّج على ذكر الرجال الاصيلة
شروا ذوي غندور شيمة ونخوات = والبيض كسوة كل يومٍ وليلة
احيوا لهم رجَّال في عداد الاموات = اعيال عايض كاسبين النفيلة
من بعد ما هو رهن والعمر لحظات = يرقب متى سيف المنية يجيله
قالوا عفا امبارك وللذنب دمحات = واقدار ربي ما تدافع بحيلة
كل ٍسعا بالعلم يبغى البشارات = والفوز من مقسوم قوم الفضيلة
هذي فعولٍ لاجلها صغت الابيات = ومن قدَّم الطيب يلاقي مثيله
وصلاة ربي عِد همل السحابات = على نبيٍ كلنا ننتميله


رد الشاعر الشريف مرشد الثعلبي :


يا مرحبا يا ناظم الشعر ف ابيات = انتم هل المعروف واهل الفضيلة
سمير ابو سلييم حمية ووقفات = شريف من اصل الحرار الاصيلة
ربي عطاكم خدمة البيت بالذات = واللي يزور البيت انتم دليله
الحرف حرف (الشين) شيمة وعادات = والنون نوماسٍ وهمَّك تشيله
وال ( ا ) ابشر بالمواقيف وان جات = امدور الفزعات يلقى حصيله
و ( الباء ) برهانٍ على كل ما فات = ميقافكم ياهل الفعول الطويلة
و ( الراء ) رابح من قصد للمهمات = ربعٍ لهم ميزات ما هي قليلة
و ( الهاء ) همة في حميع المهمات = شنابرة اشراف ما فيه حيلة
اخوان حتى لو تصير الخلافات = سوا سوا في كل عدله وميله
والله يجمع شملنا والذي فات = يكون ماضي ما يعيق الوصيلة
هاجوس في فكري يخط العبارات = مقبل عليكم مزن وارقب مخيلة

بواسطة : hashim
 0  0  4061
التعليقات ( 0 )

-->