• ×

مرثية في شاعر الرجز الشريف عاطي الشنبري

زيادة حجم الخط مسح إنقاص حجم الخط
قصيدة للشاعر الشريف عايض بن عمر بن ثابت الشنبري في رثاء شاعر الرجز المعروف في الحجاز الشريف عاطي بن ثابت الدخيلي الشنبري - رحمه الله -


قالوا: فقدته. قلت : غالي ومفقود= هو العزيز اللي علينا فقيده
شاعر قبيله كاسب المدح والزود= من روس قومن في الملاقا عنيده
دخاليه لا طقّوا العود بالعود= بيض الوجيه اللي تجي فالوعيده
أعزّي الأشراف شايب و مولود= فالشاعر اللي له معاني فريده
له ماقفن بين الرياجيل مشهود= وقفات عاطي للجماعه عديده
ياهاجسي مادامت الشعر موجود= اِرث الدخيلي بالبيوت الجديده
قُولِّي:أنا برثيه و ابليس مطرود=لاخير فيّ إن مانظمت القصيده
والله لا أخلّي الشعر حاوي و مردود= الشعر ورثه والهقاوي بعيده.



وهذا ردالشاعر/ الشريف سمير بن سليم بن شرف الشنبري /


عايض بنى قافه وأنا جيت بردود= ماجور يابادع بيوت النشيده
شاعر ولد شاعر مثبّت و مسنود= والشعر يجري في مجاري وريده
من رِبعةن دايم لها سَبل ممدود= الطيب عاده و الخصايل حميده
شنابره ربعي لهم فعل ماكود= كم جيش دوله مهّنوا في عقيده
أشراف قوم العز والمجد والجود= الشاهد الله والخلايق شهيده
جانا عزاكم لاتكافون بـِنْـكود= جانا رثاكم وانشري ياجريده
عاطي توفّى وأصبح اليوم ملحود= ياعلّ روحه في جنانن رغيده
والموت دربن للملا دوم ممهود= الباقي الله والفنا في عبيده
واعيني اللي دمعها فيّض اسدود= واعيني اللي من بلاها نكيده
أسباب شيخن زاهي الذِّكر محمود= سلطان معنى و المعالي رصيده
ولاينبني بيتن بلا ساس و عمود= حكمه لجدّن قالها في قصيده
يقولها سيفن مجرّب و مجرود= ميراث ثابت في خزاين حفيده
و الحُر يَحْمَى ورثة الجد والعود= الشعر ورثه و المعارف سنيده.

بواسطة : hashim
 3  0  5893
التعليقات ( 3 )

الترتيب بـ
الأحدث
الأقدم
الملائم
  • #1
    18-11-33 09:15 مساءً الشريف عبدالرحيم بن ناصر الحسيني :
    عظم الله أجركم في فقيدكم الشريف عاطي الشنبري
    ورحمه الله رحمة واسعة

    وصح لسان شعرائنا الكرام اهل الوفا والطيب والكلمه الجزيله

    [FONT=Arial Black]يالله ياعالم لسدي ونجواي تعلم خفا الاسراروتعلم ضميري
    اغفر لعبدك ياالاهي ومولاي ادعوك دعوة ضعيفن مستجيري
    [/font]


    الشريف عبدالرحيم بن ناصر الحسيني البركاتي
  • #2
    02-12-33 10:52 صباحًا الشريف حسين بن حامد بن أحمد الشنب :
    فقدت القبيلة شاعر الرجز والحكم الشريف عاطي بن ثابت الشنبري
    وأحسن الله العزاء لنا جميعاً وما نملكه هو الدعاء له بالمغفرة وحسن المئاب
    بارك الله فيك الشريف سمير بن سليم الشنبري والشريف عايض بن عمر الشنبري لذكر محاسن الفقيد في هذه المرثية المؤثرة والرد عليها
    ولن ننسى الشريف عاطي الشنبري وما قدمه من تراث سوف يبقى للأجيال القادمة .
  • #3
    05-12-33 07:45 مساءً خالد الجودي :
    شنابره ربعي لهم فعل ماكود
    كم جيش دوله مهّنوا في عقيده

    أشراف قوم العز والمجد والجود
    الشاهد الله والخلايق شهيده

    جانا عزاكم لاتكافون بِنْكود
    جانا رثاكم وانشري ياجريده

    عاطي توفّى وأصبح اليوم ملحود
    ياعلّ روحه في جنانن رغيده

    والموت دربن للملا دوم ممهود
    الباقي الله والفنا في عبيده


    وفاء ومرثيات جزلات أبناء العم الله يرحم فقيدكم والبقاء بروسكم
-->