• ×

ترحيبة الأديب الشريف عبدالرحيم الحسيني البركاتي

زيادة حجم الخط مسح إنقاص حجم الخط
هذه قصيدة كتبتها بطلب من الشريف عبدالمحسن المنعمي وذلك بسبب ضيافة أقامها لرجال الحي وألقيتها أمامهم وأقول فيها :


بسم الله ابدا رب هالكون كلّه=ربٍ عظيمٍ عزيزٍ عليه اعتمادي
يالله ياعالمٍ جل قولي وقلّه=تعلم خفا الاسرار وان أخفيت بادي
يارب صلّ عد مزنٍ تهلّه =على النبي الهاشمي خير العبادي
تسليم وافي من خليلٍ لخلّه = عداد ماصليت وعداد ما نادى المنادي
ثم يا مرحبا ترحيبة اللي في محلّه =ترحيبة الخطّار تنصى كل غادي
عداد خلق الله وسحبٍ وطلّه = وعداد ما سال سيله فالبلادي
من هاجسٍ يرتقي عن كل زلّه = ما ينبع الا الطيب من عنبر وكادي
بضيوفنا اهل الوفا والعز جلّه = قلبي لهم منزال وهم بلسم فؤادي
منهو يمد الطيب يبصر جبالٍ مطلّه =يمنه بيمنه والوفا زادك وزادي
ياقلب ياللي هاجسك ما تملّه = منهو يمل الغيث وعلومٍ سدادي
وان اطلب المولى يجعل الوصل ملّه =بيني وبين اللي لفوا فالمعادي
ما ينقطع حبل المكارم ابد لله =كلٍ يخيط الطيب وثيابه جدادي
واعلم تراك اليوم بيتي تدلّه = مقدمك هوى بالي وغاية مرادي
ونختم بقولٍ دايمٍ نستهلّه =بصلاة ربي وسلامه عالنبي الهادي

بواسطة : hashim
 3  0  1349
التعليقات ( 3 )

الترتيب بـ
الأحدث
الأقدم
الملائم
  • #1
    09-02-34 09:23 صباحًا الشريف خالد الجودي :
    ترحيبة جزلة وما قصرت
    الأديب الشريف عبدالرحيم الحسيني البركاتي تقبل تقديري
  • #2
    11-02-34 09:32 مساءً الشريف هاشم بن أحمد الشنبري :
    من هاجسٍ يرتقي عن كل زلّه
    ما ينبع الا الطيب من عنبر وكادي

    بضيوفنا اهل الوفا والعز جلّه
    قلبي لهم منزال وهم بلسم فؤادي

    منهو يمد الطيب يبصر جبالٍ مطلّه
    يمنه بيمنه والوفا زادك وزادي

    ياقلب ياللي هاجسك ما تملّه
    منهو يمل الغيث وعلومٍ سدادي


    يحيا ويدوم الشريف عبدالمحسن المنعمي على الكرم طبع الهواشم

    وبيض الله وجهك الشريف عبدالرحيم الحسيني البركاتي على ما أبدعت
  • #3
    13-02-34 01:22 صباحًا نامي الحارث :
    قصيدة رائعة من شاعر قدير
-->