هاشم
ألبارحه ساهرٍ والدمع همالي .... على خدودٍ حفر دمعه جوانبها
لله في دبرته بالناس أحوالِ .... ناسٍ يسهلّ لّها وناسٍ يصعِّبها
يا نفس جوزي ولاتماشين الانذالِ .... الناس مخلوط صادقها وكاذبها
خَلِّي دروبك معا ذَرْبين الافعالِ .... اللي من الطيب مبنيه مظاربها
ويا هاشم اسمع كلامي وافهم اقوالي .... أبغاك يا بوك تحفظها وتكتبها
خمسة أمورٍ أكيده ما بها جدالِ .... إياك تهمل وتغفل عن أطايبها
ألأوّله ادّي فروضك يا بعد حالي .... ألله كتبها على الإنسان وَوْجَبْها
والثانيه احفظ حقوق الجار ياالغالي .... لا يشوف منّك علومٍ ثم يعذربها
والثالثه الضيف أرخص دونه المالِ .... ألناس تطلب إذا ما جات واجبها
والرابعه لا تصادق خايب الفالِ .... اللي لسمعتك عند الناس يخربها
والخامسه برّ آبائك بكل حالِ .... تغنم وتلقى بأولادك عواقبها
وانا من اشراف والعتبان أخوالي .... وقريش هي لابتي بالطيب كاسبها
ما اغلط على الناس في هرجي وفاقوالي .... ونفسي تعاف الخطا من عند صاحبها
والختم صلوا على احمد عد همالي .... يمطر على الأرض مشرقها ومغربها
حامد محمد الشريف
صفر 1434
والثانيه احفظ حقوق الجار ياالغالي .... لا يشوف منّك علومٍ ثم يعذربها
والثالثه الضيف أرخص دونه المالِ .... ألناس تطلب إذا ما جات واجبها
والرابعه لا تصادق خايب الفالِ .... اللي لسمعتك عند الناس يخربها
والخامسه برّ آبائك بكل حالِ .... تغنم وتلقى بأولادك عواقبها
وانا من اشراف والعتبان أخوالي .... وقريش هي لابتي بالطيب كاسبها
ما اغلط على الناس في هرجي وفاقوالي .... ونفسي تعاف الخطا من عند صاحبها
والختم صلوا على احمد عد همالي .... يمطر على الأرض مشرقها ومغربها
صح لسانك وعلا شانك قصيدة جزلة ومعبرة - وخير ما أوصيت به يا أبو هاشم - الله يجزاك خير ويعطيك العافيه