• ×

قصيدة مدح وثناء للشريف علي بن الحسين الحارثي وحفيده الشريف نايل بن مشهور بن علي الحارثي

زيادة حجم الخط مسح إنقاص حجم الخط
قصيدة الشريف علي بن حمود الحارثي في مدح الشريف علي بن الحسين الحارثي وحفيده الشريف نايل بن مشهور بن علي الحارثي , أُلقيت في حفل معايدة الاشراف ذوي علي الحُرَّث بالمضيق بتاريخ 8/ شوال 1434هـ


عد ما يرعد رعد براقه رفيقي = والمطر من بعدها والسيل ضاق ابه المسيلي
وعد ما تثمر غصون الورد في فصل المصيفي =لين عطر الورد ريحه يبهج القلب العليلي
مرحبا ترحيب من راس المضيف للمضيفي = للضيوف اللي لهم مقدار وافي في المكيلي
مرحبا في قصر علي بن الحسين ابن الشريفي = حارثيٍ كاسب الطالات والفعل الجميلي
يشهد التاريخ بافعاله ولا مثله وصيفي = يحتمي ربعه وجيرانه ومزبن للدخيلي
الامير اللي سوات الرِجم والضلع المنيفي = والفراسة والشجاعة لا كليل ولا ذليلي
قاد جيشه في بلاد الشام في الوقت المخيفي = والمعارك دارها والنار في راس الفتيلي
صيت ابو مشهور شايع لن هرجنا بالنصيفي = والحقايق ثابتة ما عندنا قالا وقيلي
يالله انك ترحمه والله على عبده لطيفي = في جنان الخلد يسكن منزله خير النزيلي
حفلنا مرسوم والتكليف من كف الكليلي = من يمين الشيخ نايل لا شحيح ولا بخيلي
نايل الشهم الكريم وراعي القلب النظيفي = تشهد افعاله على اقواله دواء القلب العليلي
في اللوازم دون ربعه ينفق المال الكثيفي = وزعته واجب عليه ولا حسب كثر وقليلي
يدعم ربوعه ومن كفه عطاء يردف رديفي = مثل همال السحاب ومثل برَّاق المخيلي
راعي الوقفات لن حنت وجاء فيها حفيفي = رايته بيضاء وابو محسن عسى عمره طويلي
فزعة المحتاج من جور الليالي والكفيفي = قاضي الحاجات ويمد العطاء دايم جزيلي
درَّسه جده وابوه الطيب والدرب النظيفي = شجرة عيال الحسين اللي لها فيِّ وظليلي
المضيق إلنا وأمارتنا خلف سلمٍ خليفي = ما علينا من يدس السم في سمن الصميلي
الاشده لاهلها من دونها السيف الرهيفي = والعيون اللي تشوف الدرب ما تغوى الدليلي
والليالي علَّمتنا بالمفتِّح والكفيفي = والزمن فيه الدروس ان كان في حطٍ و شيلي
يا صلاة الله على المرسول بالدين الحنيفي = الرسول اللي ختام الرسل ما بعده بديلي

بواسطة : hashim
 5  0  5940
التعليقات ( 5 )

الترتيب بـ
الأحدث
الأقدم
الملائم
  • #1
    17-10-34 05:06 مساءً ثامر الشنبري :
    صح لسان الشريف علي بن حمود الحارثي قصيدة مدح تليق بالأشراف
    كفو وهم يستاهلون
  • #2
    17-10-34 11:36 مساءً نامي ال حارث :
    [center]والنعم بالشريف علي بن حمود الحارثي ووالنعم بالشريف علي بن الحسين الحارثي وحفيده الشريف نايل بن مشهور بن علي الحارثي ‏‎
    ووالنعم بكل الأشراف
    [center]
  • #3
    18-10-34 12:56 صباحًا الشريف هاشم بن أحمد الشنبري :
    صح لسانك وعلا شانك والنعم بالأشراف الحرث والنعم بجميع الأشراف كفيت ووفيت يا شريف
  • #4
    18-10-34 08:17 مساءً الشريف حسين بن حامد الشنبري :
    راعي الوقفات لين حنت وجاء فيها حفيفي
    رايته بيضاء وابو محسن عسى عمره طويلي


    والنعم هذي علوم الأشراف
    صح لسان الشريف علي بن حمود الحارثي
    وعسى عمره طويل
  • #5
    07-11-34 06:36 مساءً الشريف خالد الجودي :
    عاشو الأشراف
    صح لسان الشريف علي بن حمود ‏ الحارثي
    وعاش صيت الأشراف حاضر وماضي
-->