• ×

الشريف عبدالله بن سالم بن حمد العياشي يمدح الأشراف الوكلاء أ

زيادة حجم الخط مسح إنقاص حجم الخط
بسم الله الرحمن الرحيم

الأشراف الوكلاء
كتبها
الشريف عبدالله بن سالم بن حمد العياشي
شاعر قبيلة ذوي عبدالله الأشراف العيايشه
27-12-1435هـ


من المدينة فوق حر(ن) زهوفي = ساس الفريسه زاهي(ن) بالملابيس
صعب(ن) على اللي يتبعه مايطوفي= ما يلحقنه مبعدات المراميس
أشقر سكب صدره زما بالردوفي=مذلوق راسه والنواظر مقابيس
عياشي الراكب وسم إمعروفي=واربع على اليسرى جفل منهن أبليس
يلفى لهل زرعات ريف الضيوفي=أهل المويلح كاسبين النواميس
عز وفخر واشراف صف(ن) أوقوفي=نسل الوكيل وماسكين المتاريس
صديقهم يامن لو الوقت خوفي=وعدوهم دايمن بهم(ن) وهواجيس
واليا لفيت بمجلسن له وصوفي=بن(ن) وهيل ومحرقين المحاميس
فك الجواب اللي معك بالظروفي=وأقرى سلامي لهل العرف والقيس
بلغ سلامي كلهم بالحروفي=عيال عم ودايمن بالحواسيس
مالي هدف غير السلام إمعروفي=وأحب أراسلهم ببيض القراطيس

بواسطة : hashim
 5  0  3519
التعليقات ( 5 )

الترتيب بـ
الأحدث
الأقدم
الملائم
  • #1
    09-03-36 10:27 صباحًا الشريف خالد الجودي :
    والنعم بالشريف عبد الله العياشي ووالنعم با الأشراف الوكلاء أهل المويلحلهم في الأدب والكرم والرفقة الطيبة
  • #2
    09-03-36 06:57 مساءً الشريف هاشم بن أحمد الشنبري :
    عز وفخر واشراف صف(ن) أوقوفي
    نسل الوكيل وماسكين المتاريس

    صديقهم يامن لو الوقت خوفي
    وعدوهم دايمن بهم(ن) وهواجيس

    واليا لفيت بمجلسن له وصوفي
    بن(ن) وهيل ومحرقين المحاميس


    نعم المادح والممدوح
    صح لسان الشريف عبدالله بن سالم العياشي
    وبيض الله وجهه على مدح الأشراف الوكلاء
  • #3
    19-03-36 11:10 مساءً الشريف مصعب بن علي الوكيل :
    حي الجواب اللي لفابه جزوفي=
    بقطع الفيافي راكبن نقوة العيس=
    الحر الأشقر محتزم بالزروفي=
    قدم جوابه عقب جلي التعاميس=
    حيه عدد هطال مزنه هتوفي=
    حيه عدد حبات رمل الطعاميس=
    ماكادت فريسان طي الدفوفي=
    مثل القطاه إن لاوبته القرانيس=
    فج الاكواع وزور ثمرة قطوفي=
    الاشقر اللي ينسطر بالملاميس=
    إليا شرد مثل الجناح الرفوفي=
    وإليا مشى ماتشتكيه التضاريس=
    ودويرعه والخرج غزل الهنوفي=
    اللي تعزوا والحناجر ميابيس=
    أشراف ذوي عياش يوم الزحوفي=
    عاداتهم خضب القنا والعبابيس=
    وإليا لفاهم ضيف ولا ضعوفي=
    يرمون من خيرة الزاد والكيس=
    الدوحه اللي ظلها مايهوفي=
    طيبة ثمرها طيبها بالمغاريس=
    يامرحبا بأشراف طلق الكفوفي=
    وشاعرهم اللي قيس القاف تقييس=
    اللي صدر رويان ماهو رشوفي=
    من جمة بحور الشعر والعطاريس=
    هذا جواب اللي عليكم لهوفي=
    البعد ظلمه والتواصل فوانيس=
  • #4
    26-03-36 02:00 مساءً عدنان محمد هاشم الشريف :
    ألف والنعم بالأشراف الوكلاء وبمن مدحهم الشريف عبد الله العياشي
    شاعر قبيلة ذوي عبدالله الأشراف العيايشه
    يستاهلون المــدح ، ويستاهل صح لسانه ووالنعم فيه
  • #5
    01-04-36 08:21 مساءً الشريف ثامر الشنبري :
    صح لسانه وعلا شانه هذا هوالمأمول من الشريف عبدالله بن سالم بن حمد العياشي نحو أبناء العم الأشراف الوكلاء ( والنعم بالجميع )
-->