( محاوراتي الشعرية )
الشريف عبدالرحيم بن ناصر بن مطلق الحسيني
الشريف عبدالرحيم بن ناصر بن مطلق الحسيني
قد تحرّك الأحداث الاجتماعية المجتمع الواحد فيسعى كل من فيه بالتعبير وإظهار وجهة نظره بالطريقة التي تناسبه ولا يفهمها إلا أقرانه ، وقد وقع ذلك معي فقد شاطرت مجموعة من الشعراء أبناء عمومتي بعض هذه المعاني في قالب شعري وعلى فترات متفاوتة حسب ما تقتضيه الحاجة والزمان ، وأهديكم بعض هذه المحاورات عسى أن تنال إعجابكم واستحسانكم .
( 1 ) بيني وبين الأستاذ الشريف عبدالله بن فيصل بن سلطان الحسيني :
أنا : لو طال يوم وصار للّاش مقدم *** وراعي العز في صرّته غابت مزونه
عبدالله : معروف بعض العرب للّاش تهتم *** بس راعي العز كل العرب يرتجونه
أنا : هقوتك ياعم بالعرب شيخٍ تقدّم *** وزار المشيب الراس وطاحت متونه
عبدالله : ماظنتي شيخ العرب بالسن ينذم *** لا خلّف لنا ناب قبل تكسر سنونه
أنا : السن ما يرتقي بالشيخ لو عَم ماعَم *** مير المعاني درع ما ينثني دونه
عبدالله : الشيخ ينجب شيخ إن عمره تردّم *** النار ياخوي وقّاده والمعاني دخونه
أنا : قام الزمان واستبصر الحال وانغم *** والقول فالشيخ ما يرضى يصونه
عبدالله : هذا زمان الطيش هذا زمان الهم *** ويش يطرح البنيان لا زانت حصونه
أنا : الحق ينقال ما خلّيت لقول منسَم *** فاهديك مني مفتاح الشعر وفنونه
( 2 ) بيني وبين الشاعر الأستاذ الشريف زين العابدين بن سلطان الحسيني :
أنا : سلام ردّه كما همّال المزن لا هل *** على ربــعٍ لهـا القيفان عِد مــارودي
بنيت السد لا يخلط عذيب الماء بالخل *** ولا كل من تزهّب زهابه ملح وبارودي
زين العابدين : هلا يامرحبا ترحيب مااقول انا الاخطل *** انا لو زانت القيفان شاعر تسمع اردودي
علام بعض العرب يخلط عذيب الشهد بالحنظل *** لكنّ القوس للباري مادام العلم مشهودي
أنا : ترى ياصاحبي الاخطل فعول الرجل لا زَل *** وانت ياصاحبي حبلٍ على الحق ممدودي
يدوم الصوم ويدوم وشهر شوّال ما حل *** ويبقى الفقيــه فمسجده والنـــاس فرقودي
( 3 ) وبيني وبينه كذلك في شعر الكسرة :
زين العبدين : يا مرحبا أهلين بالزاير *** اللي دخل مكتب الكسرات
ادخل تصفح على الطاير *** واضمن رجوعك عدد مرّات
أنا ياللي ترحّب على الساير *** دايم حريصٍ على الطالات
تقدم ونقدم كما طاير *** حلّق بشعره أبد ما مات
زين العابدين : يالياس ليا عتب غاير *** يالياس منكم خطيّه جات
بعض العرب زهبها فاتر *** والبعض حول المقمّع بات
والمفترض تعرف الشاطر *** اللي حضر معظم الدارات
اللي زهابه كما الماطر *** يالياس عيد النظر فالشات
أنا : يا اصحابنا فقولكم حاير *** ما اظن لي فالكريم زلّات
أبديت قافٍ على الحاظر *** يحمل معانِ بها دنّات
أبدي لكم طيّب الخاطر *** عذر وسموحه لكم بالذات
بعض العرب سوقها باير *** وانت رجل تعرف البيعات
يا تاجرٍ بالنقا تاجر *** يا شيخ ركّز على ما فات
زين العابدين : على النقا منك يالناظر *** تبقى وليّا معك جولات
المدرسه جوّها عاطر *** أزريت لحصل على باقات
أنا : ليّا ليالي وانا ناطر *** ألقط من المزن لو حبّات
والما تركته وهو كاير *** عاني لنهرٍ برد وفرات
( 4 ) وبيني وبينه كذلك في شعر الكسرة :
أنا : ليل الهوى طال في صبره *** عجز يمسح حروف الآه
وكسر العظم أحكموا جبره *** وبكسر قلبي طبيبي تاه
كاني قلم فرّغوا حبره *** يكتب ولا احدِ فهم فحواه
زين العابدين : لا طال ماد الهوى بامره *** ما يعضي الحرف من يقراه
تجبر كسور العظم خبره *** الا كسور القلوب اشباه
لكن للي يبي عمره *** عند العرب عرفهم تحماه
بالبعد يتفنن فهجره *** مع مرور الزمن ينساه
أنا : لا ياصاحبي وين صبره *** اذا جرحه عجز يبراه
حتى طبيب العرب ضرّه *** حصنه ضعيف ليا ما جاه
مسجون سجنٍ شديد أسره *** من يطلقه والقفل وكّاه
( 5 ) وهذه بيني وبين الشاعرين : عبدالله بن فيصل الحسيني ، وأديب بن سعيّد الحسيني
ومناسبتها أنه بلغني أنهما انتقدوا بيتاً لي بالكسر فتوجهت إليهم في استراحتهم ودارت بيننا محاورة شعرية .
أنا : سلام ياللي لحلّه جيت *** جاني خبر بانشدك عنّه
قالو تكسّر عمود البيت *** والبيت ثابت على قنّه
وكلاً من هما رد على حدا :
عبدالله : يا مرحبا بك يوم الفيت *** لا يلحقك شك أو ظنّه
الحق في قولتي ماخطيت *** والعود لا زان من فنّه
أنا : ولدت يا صاحبي وربيت *** أبيّن العلم ما اكنّــه
أسمع بذيبٍ بعيد الصيت *** عمّه وخاله من الجِنّه
احفظ من المعنى ما واريت *** آخر بيوتك بها دنّــه
أما رد أديب :
يا مرحبا عِد ما صلّيت *** وموثّق الفرض بالسنّه
أنا فذا العلم ما رديت *** واللي كتب بيت بيغنّــه
أنا : الرعد يرعد ولا ياليت *** برقه يثبّت حسن ظنّه
واليا بطَرْف النظر غضّيت *** انشد عن العود من دنّه
أديب : وحياة ربي والملا والبيت *** اللي به العلم يكفلنــه
هذا جوابي ولك أفتيت *** الى نهاية الدرب وصّلنه
___________________
التعريف بالشعراء :
(1) الشاعر زين العابدين بن سلطان بن وصل الحسيني البركاتي ، أبو نواف ، معلم متقاعد وهو الأخ الأصغر للشاعرين سعيّد بن سلطان الحسيني والشاعر فيصل بن سلطان الحسيني (يرحمه الله) ، وهو يجيد الكتابة في الشعرين الفصيح والشعبي .
(2) الشاعر عبدالله بن فيصل بن سلطان الحسيني البركاتي ، يعمل حالياً معلماً في مدرسة أبي عروة المتوسطة ، وله قصائد عديدة مختلفة الأغراض ، وله مجهودات واضحة في بناء الأهداف التي يسعى المجتمع الداخلي لقريته بالرقي من خلالها والتمسك بالعادات والأعراف الاجتماعية ضمن دائرة الشريعة .
(3) الشاعر أديب بن سعيّد بن سلطان الحسيني ، يعمل حالياً معلماً في تعليم جدة ، وهو من أسرة كلهم شعراء ، فأبوه شاعر بل من أكبر رواة الشعر في منطقة الجموم وما حولها ، وأعمامه شعراء وأخواه عبدالعزيز وسامي شعراء .
