• ×

مسامحينك، لحامد الشريف

زيادة حجم الخط مسح إنقاص حجم الخط

مسامحينك



يا المقفّي راكبٍ صهوة ظنونك = رد معك الباب ربّي لا يهينك

بك ترى يا سيّدي والا بدونـك = عايشين وشرهتك ان قلت وينك

حالنا بعدك ترى شوفة عيونك = فوق هام السحب ولااحنا فاقدينك

ما حزنا يوم أقفت بك ظعونك = عارفين اللي وراك وعارفينك

نعرفك من قبل لاهم يعرفونك = عاجنينك من زمان وخابزينك

قبل ما نكشف خفاياك وجنونك = كان كلٍّ تفرحه لمسـة يدينك

وكان كُلٍّ تسحره نظرة عيونك = وشعرك الشلال مع صافي جبينك

لين قمت تناظر اللي يعشقونك = كنهم عندك عبيدٍ خادمينك

قمت تتغلى وتستعرض فنونك = فن في تعذيب منهم مسعدينك

ما نبيك تخون ولاحنا نخونك = وِنْ عزمت ترحل ترانا مسامحينك

روح عند اللي على وضعك يبونك = وارتحل عن جونا بزينك وشينك


حامد محمد الشريف

ذو الحجة 1432





بواسطة : hashim
 2  0  1809
التعليقات ( 2 )

الترتيب بـ
الأحدث
الأقدم
الملائم
  • #1
    20-01-33 06:23 مساءً ابو عبد الله الشريف :
    بك ترى يا سيّدي والا بدونك
    عايشين وشرهتك ان قلت وينك

    حالنا بعدك ترى شوفة عيونك
    فوق هام السحب ولااحنا فاقدينك


    واحنا مسامحينك
  • #2
    28-01-33 11:35 مساءً حامد الشريف :
    ابو عبدااله
    شكرا على مرورك الكريم
    وتعليقك اللطيف
    لك التحايا
-->