• ×

الأدعياء، للدكتور الأديب الشريف محمد بن راضي الحسيني 

زيادة حجم الخط مسح إنقاص حجم الخط

الأدعيــاء
للدكتور الأديب الشريف محمد بن راضي الحُسيني


طرّزي يا سمان الهرج صمت الفعـال= وثبّتي لي بهاك الصمـت همـسٍ ثقيـل
وانصفي نفس حرّ مـا لحقهـا المنـال= ولا تبدّى بساحتهـا مـن القيـل قيـل
تنتخيهـا مـن العليـا عـزومٍ ثـقـال= وتنتزعها صـدور مـا كهبهـا المقيـل
نفس حرٍّ ليـا حبّـت تشـوف الهبـال= وان تخلّت تشوف الكون عابـر سبيـل
نفس حرّ عليها مـن سمـاي الظـلال= لن بدت وانت ما شفت الحصيل الحصيل
عفت سمر القدور وشمت صفر الـدلال =عقب ما شفتها في حضن نـذلٍ بخيـل
يرتكض يحسب العليا رمت لـه حبـال = ويتمايـل علـى كـفّـة رداه الذلـيـل
هيه يا اللي خضوعك للمعالي وصـال= كيف ترضي المعالي وانت خانع كليـل
يا دعيّ انتبـه واذهـن يمينـك شمـال= لطّختهـا هجـوسٍ يزدريهـا النبـيـل
لا تحاول تبي تاصـل وخيمـك عقـال=المطيـة رديّـة والمضامـي صمـيـل
انت ما شفت من منشاك فعـل الرجـال= اخدعك زيف عمّانـك وتهـت السبيـل
تحسب الفخـر والعـزّا تكبّـر ومـال= لا يغرّك جهام النـذل جزلـه قصيـل
شوف عمّك يا لو طلّعك روس الجبـال = ساسكم من هيال وضلعكـم مـن نثيـل
للمـروّات عـمّ وللكـرامـات خــال = وللمفاخـر سمـات وللمعـزّة دلـيـل
من مسيري ، عن الانذال مشيي لحـال= وان همزت ابعد الممشى وليلي طويـل
يا مضلَّـل تعـال اقـول قصـة تعـال = خلّ عنك العـلا والمرجلـة يـا هبيـل
هاك خذها نصيحـة واتّخذهـا عـزال= طيع شوري وكبّ القـوس وارم الفتيـل
امسك ارضك ومعنـا لا توهّـط نـزال= وين رايح تبي تركب؟ كديـش هزيـل
نعنبو وقت خلاّ لك بهـا الحـال حـال = ومن يعزّ الثبر مثلك بـلا شـكّ عيـل
والخلاصة ترى السادة كـرام السبـال = خيمهـم راس مـالٍ للشريـف النبيـل


بواسطة : hashim
 65534  0  3990
التعليقات ( 1 )

الترتيب بـ
الأحدث
الأقدم
الملائم
  • #1
    09-02-33 01:25 مساءً حامد الشريف :
    طرّزي يا سمان الهرج صمت الفعال ..... وثبّتي لي بهاك الصمت همسٍ ثقيل

    مطلع لاائع يا شريف وقصيده أروع
    والشئ من معدنه لا يستغرب
    صح لسانك
-->