• ×

قصيدة فواز الدهاس في الشريف لاحق بن جساس آل زيد

زيادة حجم الخط مسح إنقاص حجم الخط
 
بسم الله الرحمن الرحيم

[ الشريف لاحق بن جساس آل زيد ]


لاحق ولد جساس زبن المجنا = لاحق ولد جساس ريف الخطاطير

لاحق ولد جساس منا و منا = شريف و اجداده عتيبه مشاهير

افضل نسب للمصطفى لا تعنا = عليه من ربي صلاه و تباشير

هوازن اخوال النبي يالمثنى = حليمه اللي حظها سابق الطير

عدنان هم راس الفخر بالمحنا = السيف يشرب من دماء السراسير

و اثني القاله للاحق اسدنا = راعي الابل و المال و من المناعير

بالجد و الاخلاص عز و تهنا = لا وارث ٍ عزله و لا ناهب ٍ بير

لاحق على اسمه يلحق المجد سنا = مدري هو اكبر من ابانات و النير

راعي الدلال اللي بها هيل بنا = و ذباح حيل ٍ فالصحون المزابير

و زوجاته اربع يوم غيره تدنا = الاصل في الاسلام و افتح تفاسير

و الله رزقه برزقهم خير فنا = عيال و املاك و بيوت و دنانير

و من العوارف لاحق اللي تبنا = حل القضايا المعضلات المعاسير

يوم القبائل تطلبه ما تونا = مثل المطر ياتي مواقع و تقدير

لاحق كريم المد ما هو مضنا = يا ما عطى لاحباب و اقراب و لغير

و اليا انكروه اهل الخبث و المعنا = الاجر عند الله كريم المقادير

و هذي هديه عن عتيبه و عنا = مانا من اللي يدورون المداوير


فواز الدهاس
مكة المكرمة
بواسطة : hashim
 1  0  3085
التعليقات ( 1 )

الترتيب بـ
الأحدث
الأقدم
الملائم
  • #1
    02-06-32 03:09 صباحًا قارىء :
    نشكر الشاعر و الموقع على هذه القصيدة الطيبة
-->